ЭКОЛОГИЯЛЫҚ ЖАУАПКЕРШІЛІК:

Қор өз қызметін жүзеге асыру кезінде экологиялық жағдайға елеулі әсер келтірмейді, әйтсе де Қор қандай да бір ықпал етуі мүмкін салаларда қоршаған ортаны қорғауға бағытталған шараларды орындау үшін барынша күш салады.

Қор өз қызметінің әуе, су ортасына және жерге келтіретін жағымсыз салдарларын азайту үшін бірқатар іс-шаралар жүргізеді және мүмкіндігі мен экономикалық орындылығы болған жағдайда ресурстарды үнемді пайдалануға тырысады.

КЕЛЕСІ ІС-ШАРАЛАР ӨТКІЗІЛЕДІ:

• энергия үнемдейтін жабдықтарды, шамдарды және басқа да шешімдерді пайдалану, егер олар адам мен қоршаған ортаға қауіпсіз болса;
• тек сертификатталған («жасыл») жабдықты пайдалану қағидатын сақтау;
• принтерлер мен көшірмелеу машиналары үшін картридждер толтыруды пайдалану (жаңаларын пайдаланудың орнына) не оларды кейіннен толтыру мақсатында өткізу;
• табиғи және техногендік сипаттағы төтенше жағдайларды басқару: төтенше жағдайлардың теріс салдарын болдырмау жөніндегі тиісті іс-шараларды әзірлеу және дайындау;
• жанармайды үнемді пайдалануды және атмосфераға зиянды шығарындылардың төмен деңгейін қоса алғанда, қоршаған ортаға әсері төмен көлікті пайдалану;
• офистерде қоршаған ортаға барынша аз зиян келтіретін сертификатталған кондиционерлерді ғана орнату;
• TSF (хлорсыз ағарту) және ECF технологиясы бойынша сертификатталған қағазды (мысалы, FSC) және хлорсыз өндірілген қағазды пайдалану.

2022 жылдан бастап Қор ішкі және сыртқы құжат айналымы процестерін жетілдіруге мүмкіндік беретін электрондық құжат айналымы жүйесін енгізіп, соның арқасында қағазды қолдануды барынша қысқартты. Қазақстандық электрондық құжаттар алмасу орталығына және мемлекеттік органдардың электрондық құжат айналымының бірыңғай жүйесіне қосылған контрагенттермен, серіктестермен және мемлекеттік органдармен сыртқы хат-хабарларды жүргізу процесі электрондық форматқа толық көшті. Ішкі құжат айналымының барлық процестері де электрондық форматқа ауыстырылды.

2023 жылдың қорытындылары бойынша Қордың электр энергиясы, сумен жабдықтау және жылыту шығындары 5 392 мың теңгені құрады.

Оның ішінде:

• электр энергиясы үшін – 4 206 мың теңге,
• суық сумен жабдықтау үшін – 145,8 мың теңге,
• ыстық сумен жабдықтау үшін – 137,9 мың теңге,
• жылыту үшін – 902,6 мың теңге.

ӘЛЕУМЕТТІК ЖАУАПКЕРШІЛІК

Қордың миссиясы – Қазақстан Ұлттық Банкінің стратегиялық міндеттері шеңберінде халықтың материалдық әл-ауқатын жақсарту және бизнес дамытуды қолдау.

Дәл осы себепті корпоративтік әлеуметтік жауапкершілік маңызды этикалық қағидат болып табылады, сондай-ақ Қор қызметкерлерінің қызметті жүзеге асыруында және шешімдер қабылдауы процесінде маңызды рөл атқарады.

Қор бос жұмыс орындарына үміткерлер үшін бірдей мүмкіндіктер береді, қызметкерлерге лайықты еңбекақы төлеуді қамтамасыз етеді, әрбір қызметкерге өз білімін қолдануға, дағдыларын дамытуға және біліктілігін арттыруға мүмкіндік береді, сондай-ақ еңбек заңнамасы талаптарының сақталуын, оның ішінде шиеленісті жағдайларды шешу кезінде сақталуын қамтамасыз етеді.

2023 жылы Қордың бос жұмыс орындарына 17 қызметкер қабылданып, қызметкерлердің бастамасы бойынша 11 еңбек шарты бұзылды. Бала 3 жасқа толғанға дейін оның күтімі бойынша жалақысы сақталмайтын демалысты ресімдеген қызметкерлер болған жоқ.

2023 жылғы 31 желтоқсандағы жағдай бойынша Қор қызметкерлерінің нақты саны 87 адамды құрады.

Жыныстық белгі бойынша:

• ер қызметкерлер – 41 адам (47%).
• әйел қызметкерлер – 46 адам (53%).

Қызметкерлердің орташа жасы:

• 30 жасқа дейін – 9 қызметкер (10%).
• 30 – 49 жас – 67 қызметкер (77%).
• 50 жастан жоғары – 11 қызметкер (13%).

Басқарма мүшелерінің құрамы 5 адамнан тұрады:

• әйел қызметкерлер – 2 адам (40%).
• ер қызметкерлер – 3 адам (60%).

ЕҢБЕККЕ АҚЫ ТӨЛЕУ

Қор қызметкерінің лауазымдық жалақысының мөлшері жүктелген лауазымдық міндеттерге, жауапкершілік деңгейіне, біліктілігіне және қажетті біліміне қарай белгіленеді.

Қор қызметкерлерінің еңбегіне ақы төлеу лауазымдық жалақының, қызметкерлердің еңбек тиімділігін ынталандыруға арналған сыйлықақының, сондай-ақ Қазақстан Республикасының еңбек заңнамасында көзделген өзге де қосымша ақының төленуін қамтиды.

Қор қызметкерлерін әлеуметтік қолдау қаржылық көмекті – Қор актілерінде белгіленген төлемдерді және ауырған жағдайда қызметкерлерді ерікті медициналық сақтандыруды көздейді. Бұл талаптар барлық қызметкерлерге қатысты қолданылады.

Қазақстан Республикасының еңбек заңнамасын қолдану мәселелері бойынша қызметкер (қызметкерлер) мен жұмыс берушінің арасындағы ықтимал келіспеушіліктерді шешу үшін Қорда келісу комиссиясы жұмыс істейді, ол Қордан және қызметкерлердің қатарынан өкілдердің бірдей санынан құрылған.

Қызметкерлердің тарапынан 2023 жылы еңбек құқықтарының бұзылғаны туралы шағымдар (өтініштер) тіркелген жоқ.

2023 ЖЫЛЫ ҚОР ҚЫЗМЕТКЕРЛЕРІНІҢ БІЛІКТІЛІК ДЕҢГЕЙІН АРТТЫРУ ҮШІН МЫНАДАЙ ШАРАЛАР ҰЙЫМДАСТЫРЫЛДЫ:

• Қызметкерлердің жүктелген міндеттерді тиімді орындау үшін қажетті негізгі құзыреттеріндамытуға бағытталған ішкі оқыту, «ҚОҚ білім» онлайн-вебинарлары, оның шеңберінде Қор қызметкерлері өз тәжірибелерімен және білімдерімен бөлісті;

• Біліктілігін арттыруға және кәсіби білімін жетілдіруге бағытталған сыртқы оқыту (35 қызметкер қатысқан 9 курс).

• Қор қызметкерлерін дамыту мақсатында басшылардың басқарушылық құзыреттерінің және басшы лауазымдарын атқармайтын қызметкерлердің корпоративтік құзыреттерінің даму деңгейіне жыл сайынғы бағалау жүргізілді, оның нәтижесінде бір жылға арналған жеке даму жоспарлары жасалды.