Қасенов Асхат Серікұлы

Директорлар кеңесінің мүшесі – тәуелсіз директор

Туған күні: 1977 жылғы 24 наурыз

Азаматтығы: Қазақстан Республикасы

Директорлар кеңесі мүшесінің мәртебесі:

2024 жылғы 2 шілдеде «Қазақстанның орнықтылық қоры» АҚ Директорлар кеңесінің құрамына тәуелсіз директор ретінде сайланды.

Қазақстан Республикасының заңнамасына, «Қазақстанның орнықтылық қоры» АҚ Жарғысы мен ішкі құжаттарына сәйкес Директорлар кеңесі мүшесінің функцияларын жүзеге асырады.

«Қазақстанның орнықтылық қоры» АҚ Директорлар кеңесінің Стратегиялық жоспарлау, кадрлар мен сыйақы мәселелерiн, әлеуметтiк мәселелердi қарау жөнiндегi комитетiнің төрағасы және «Қазақстанның орнықтылық қоры» АҚ Директорлар кеңесінің Аудиторлық комитетінің мүшесі болып табылады.

«Қазақстанның орнықтылық қоры» АҚ тәуелсіз директоры лауазымын атқару үшін «Акционерлік қоғамдар туралы» Қазақстан Республикасының Заңында және «Қазақстанның орнықтылық қоры» АҚ Жарғысында белгіленген талаптарға сәйкес келеді.

Білімі:

1999 жылы Абай атындағы Алматы мемлекеттік университетін «Халықаралық құқық» мамандығы (бакалавр) бойынша үздік бітірді. Британдық Директорлар институтының корпоративтік басқару сертификатына (IoD Certificate in Company Direction) ие. 2016 жылы АҚШ-тың Нью-Йорк қаласындағы Колумбия университеті Заң мектебінің магистратурасын (LLM) тәмамдады. АҚШ-тағы Аризона университеті Эллер бизнес мектебінің іскерлік әкімшілендіру магистрі (MBA) дипломына ие. Phi Kappa Phi қоғамының мүшесі.

Жұмыс тәжірибесі:

2025 жылғы шілдеден қазіргі уақытқа дейін «Уайт энд Кейс Қазақстан» (White & Case Kazakhstan) ЖШС-де кеңесші лауазымын атқарады. Бұған дейін «Силлено» ЖШС-нің бизнесті қолдау жөніндегі директоры болып жұмыс істеді (2023-2025). Бұрын «Қазақстан Республикасының Ұлттық Банкі» РММ Заң департаментінің директоры лауазымын атқарды (2019-2023). Сондай-ақ банктік және инвестициялық секторда жұмыс істеді, корпоративтік құқық және корпоративтік басқару мәселелері бойынша жеке практикамен айналысты. Еңбек қызметінің едәуір бөлігін «Самұрық-Қазына» ұлттық әл-ауқат қоры компаниялары тобында және «ҚазМұнайГаз» ұлттық компаниясында өткізді, онда корпоративтік хатшы және департамент директоры қызметтерін атқарды, бірлескен кәсіпорынның директорлар кеңесінің құрамында болды. Қазақстандық тәуелсіз директорлар қауымдастығының тең құрылтайшысы.