«Баспана Хит» ипотекалық бағдарламасының жылдық ставкасы бүгіннен бастап 11,25% дейін төмендетілді. Мөлшерлеменің өзгеруі Қазақстан Республикасының Ұлттық Банкінің 2020 жылғы 6 сәуірден бастап базалық мөлшерлемені 9,5% дейін төмендетуіне байланысты. Естеріңізге сала кетейік, ипотекалық бағдарламаның сыйақы мөлшерлемесі Ұлттық Банктің базалық мөлшерлемесіне байланған (+ 1.75%).

Ставканың несие шартын жасасу кезінде бекітілетінін ескерсек, өзгерістер бағдарламаның жаңа клиенттеріне ғана әсер етеді. Қолданыстағы несиелер бойынша мөлшерлеме қайта қарастырылмайды және келісімшарт шарттары өзгеріссіз қалады.

6 сәуірдегі жағдай бойынша 22 742 қазақстандық отбасы «Баспана Хит» бағдарламасы бойынша үйлі болған. Берілген несиелердің жалпы сомасы 184 млрд теңгені құрап отыр.

Қазақстанның 12 банкі Мемлекет басшысы Қасым-Жомарт Тоқаевтың тапсырмасын қолдап, төтенше жағдайдың енгізілуіне байланысты қаржылық ахуалы төмендеген шағын және орта бизнесті қолдауға арналған жеңілдетілген кредиттеу бағдарламасын іске асыруға кірісті. Жалпы алғанда, бұл бағдарламаны іске асыру үшін Ұлттық Банк 600 миллиард теңге бөлді.

Ұлттық Банк Қаржы нарығын реттеу және дамыту агенттігімен бірлесіп әзірлеген бағдарламаға сәйкес шағын және орта бизнес өкілдері, сондай-ақ дара кәсіпкерлер айналым капиталын толықтыру үшін жылдық 8%-дан аспайтын мөлшерлеме (ЖТСМ 8,3%-дан бастап) бойынша 12 ай мерзіміне кредит алуға банктерге өтініш жасай алады.

Бизнес қарыз қаражатын тауарларды және өзге де материалдық құндылықтарды, жұмыстарды, қызметтерді сатып алуға; қорларды, шығыс материалдары мен шикізатты толықтыруға; ассортиментті кеңейтуге; шарттық міндеттемелерді орындауға; ағымдағы шығыстарды, оның ішінде әкімшілік шығыстарын жүзеге асыруға, мысалы, қызметкерлерге жалақы төлеуге, салықтар төлеуге және т.б. жұмсай алады.

Кәсіпкерлер кредиттік желілер шеңберінде жаңа қарыздар не жаңа қаржыландыру ала алады.

Жеке кәсіпкер үшін белгіленген лимит 50 млн теңге, ал шағын және орта бизнес кәсіпорындары үшін 3 млрд теңгені құрайды.

Бұл ретте, жеңілдетілген кредиттеу бағдарламасы ешқандай салалық шектеулерді көздемейді.

Қарыз талаптарын бұзғаны және (немесе) өзгерткені үшін өндіріп алынатын комиссияларды қоспағанда, бағдарлама шегінде қарызды бергені және қызмет көрсеткені үшін комиссия алынбайды.

Төменде көрсетілген жағдайлар: төтенше жағдай режимі кезеңінде және ол тоқтатылғаннан кейінгі 2 ай ішінде өткізілген тауарлардың және (немесе) қызметтердің көлемінің азаюы, сатып алушылар тарапынан төлемдердің кешіктірілуі, қызметкерлердің штат санының қысқаруы жеңілдетілген несие алуға себеп бола алады.

Қарыз алу үшін қажетті негізгі құжаттар тізбесі

–  Кепілгердің (жеке тұлға) жеке басын куәландыратын құжат;

– Құрылтай құжаттарының топтамасы;

– Мемлекеттік тіркеу туралы куәлік, не тіркеу есебіне алынғанын растайтын өзге құжат;

– Қол қоюдың үлгілері және мөр бедерінің үлгісі бар (мөр – болған кезде) құжат;

– Уәкілетті органның қаржыландыруды тарту туралы шешімі;

– Соңғы есепті жылдың қаржылық есептілігі;

– Салықтар және бюджетке төленетін басқа да міндетті төлемдер бойынша берешектің болуын немесе болмауын растайтын құжат;

– Басқа банктерде несиелік берешектің болмауы/болуы туралы мәліметтер;

– Кепіл (кепілдік қарыздар) бойынша құжаттардың топтамасы.

– Шағын және орта кәсіпкерлік субъектісінің қаржылық ахуалының нашарлауы туралы ақпарат.

Толық құжаттар топтамасы мен құжаттарды қабылдау арналарының жаңартылған тізімін банктерден нақтылау қажет.

1. Jysan Bank – сall center 7711;

2. Альфа Банк – сall center 2510, WhatsApp тәулік бойы +7 771 936 11 11;

3. ВТБ – +7(727)330-50-50, ұялы телефонынан 5050;

4. Нұрбанк – сall center 2552;

5. Сбербанк – 8 8000 80 60 60 – Қазақстанның барлық өңірлері үшін (тегін желі); 5030 – Қазақстанның мобильді операторлары үшін (тегін желі); Сервис және өнімдер бойынша жүгіну – post@sberbank.kz;

6. Bank RBK –  сall center 7888 (тегін);

7. Forte Bank – сall center 7575. Банктің ТЖ режиміндегі жұмысы туралы ақпарат және жаңалықтар арнайы парақшада жаңартылып отырады https://forte.kz/covid19;

8. Халык Банк – сall center 9595;

9. АТФБанк – сall center 2424, онлайн чат WhatsApp 9:00-ден 21:00-ге дейін (+7 705 776 88 62);

10. ЦентрКредит Банкі – +7 (727) 244 30 44, 605 – ұялы телефон арқылы тегін;

11. Еуразиялық банк – e-mail: contactcenter@eubank.kz; Skype: skype.eubank.kz; мобильді нөмірлер: Beeline +7 (771) 000 77 22; Tele2-Altel +7 (700) 000 77 22; ActivKcell +7 (702) 000 77 22;

12. Алтын Банк +7 (727) 356 57 77, +7 771 330 57 77 WhatsApp арқылы.

2020 жылдың 16 наурызы мен 15 маусымы аралығында «7-20-25» және «Баспана Хит» ипотекалық бағдарламаларының қарыз алушылары банкке негізгі қарыз мен сыйақы төлеу мерзімін кейінге қалдыру үшін қашықтықтан жүгіне алады. Ол үшін 8 серіктес банкке – Банк ЦентрКредит, Сбербанк, Халық Банк, АТФБанк, Forte Bank, Еуразиялық банк, Jysan Bank және Bank RBK хабарласу қажет.

Кредиттік шегерімді келесі себептер бойынша алуға болады: • жалақысы сақталмайтын демалыста болу, жұмыссыз қалу, еңбек шартын бұзу және басқа еңбек қатынастарын тоқтату;
• жалақыны немесе басқа кірісті төлеуді қысқарту немесе тоқтата тұру;
• төтенше жағдай және (немесе) карантин жарияланған аумаққа кіруге (шығуға) байланысты шектеулер әсерінен қызметкер жұмыс орнында бола алмаса;
• қаржылық жағдайдың нашарлауын көрсететін басқа себептер. Клиент қаржылық жағдайының нашарлау себептерін көрсетіп, еркін түрде өтініш жазып, сол өтініш пен жеке басын куәландыратын құжатты сканерлеп немесе суретке түсіріп, өзіне несие берген банкке интернет арқылы жіберуі керек. Бұл жерде одан бөлек құжаттар, мысалы, жұмыс орнынан анықтама талап етілмейді.

Банктер өтінішті 10 жұмыс күні ішінде қарайды. Егер жеке тұлғаның қаржылық жағдайының нашарламағаны туралы ақпарат болса, банк шегерім беруден бас тарта алады. Төлемдерді тоқтаған кезде қарызды талап қою жұмыстары жүргізілмейді. Банктер берешекті өтеу қажеттілігі туралы клиенттерге хабарлама жібермейді.

Төтенше жағдай кезіндегі төлемдер шегерімі несие тарихын нашарлатпайды немесе бұзбайды. «7-20-25» және «Баспана Хит» ипотекалық бағдарламалары бойынша банктер шегерімнің мына түрлерін қолдана алады:
1. төленбай қалған сома несиенің қалған мерзімінде біркелкі төленеді;
2. несие мерзімі төленбай қалған мерзімге ұзарады;
3. Төленбай қалған сома несие мерзімі аяқталар соңғы 3-6 айға біркелкі бөліп беріледі;
4. Шегерім мерзімі аяқталғанда қарыз толықтай төленеді.

«Қазақстанның орнықтылық қоры» акционерлік қоғамы (бұдан әрі – Қоғам) Қоғамның Басқармасы құрамындағы өзгерістер туралы хабарлайды.

Қоғамның Жалғыз акционерінің 2020 жылғы 5 наурыздағы № 11 шешіміне сәйкес:

1. 2020 жылғы 5 наурыздан бастап Қоғам Басқармасының мүшесі Арман Каирбекович Усабаевтың өкілеттіктері мерзімнен бұрын тоқтатылды.
2. 2020 жылғы 6 наурыздан бастап Қоғам Басқармасының мүшесі болып Басқарма Төрағасының орынбасары Рустем Елтаевич Кыдыков сайланды.

Енгізілген өзгерістерді ескере отырып, Қоғам Басқармасының құрамына мынадай адамдар кіреді:

1. Ерболат Серикович Оспанов – Басқарманың Төрағасы;
2. Аскар Бауржанович Абишев – Басқарма Төрағасының орынбасары;
3. Рустем Елтаевич Кыдыков – Басқарма Төрағасының орынбасары;
4. Александр Касымович Бейсембиев – Басқарушы директор;
5. Анар Нуржановна Суанкулова – Қаржы директоры.

«Қазақстанның орнықтылық қоры» акционерлік қоғамы (бұдан әрі – Қор) Қор Басқармасының құрамындағы өзгерістер туралы хабарлайды.

Қордың жалғыз акционерінің 2020 жылғы 17 ақпандағы № 8 шешіміне сәйкес 2020 жылғы 24 ақпаннан бастап:

1. Қор Басқармасының құрамы 5 (бес) мүше санында белгіленді.
2. Қор Басқармасының мүшесі болып мынадай адамдар сайланды:

Бейсембиев Александр Қасымұлы – басқарушы директор;

Суанкулова Анар Нұржанқызы – қаржы директоры.

Енгізілген өзгерістерді ескергенде Қор Басқармасының құрамына мынадай адамдар кіреді:

1. Оспанов Ерболат Серікұлы– Басқарма Төрағасы;
2. Әбішев Асқар Бауыржанұлы – Басқарма Төрағасының орынбасары;
3. Усабаев Арман Қайырбекұлы– бас бухгалтер;
4. Бейсембиев Александр Қасымұлы – басқарушы директор;
5. Суанкулова Анар Нұржанқызы – қаржы директоры.

Қазақстан қор биржасында (KASE) «Қазақстанның орнықтылық қоры» АҚ-тың (Fitch рейтингі «Тұрақты» болжамымен «ВВB» деңгейінде, бұдан әрі – ҚОҚ) 3 жылдық облигациялардың алғашқы орналастырылуы өтті. Сауда-саттық қортындысы бойынша жылдық 10,7 пайыз кірістілікпен инвесторлардан 16,4 млрд теңге тартылды. ҚОҚ облигацияларын жекеменшік инвесторлар – брокерлік ұйымдар, екінші деңгейдегі банктер және сақтандыру ұйымдары сатып алды.

Тартылған қаражат «7-20-25» ипотекалық тұрғын үй бағдарламасы мен «Баспана Хит» ипотекалық өнімін іске асыратын банктердің ипотекалық портфельдерін сатып алуға жұмсалатын болады.

Жалғыз акционер – Қазақстан Республикасының Ұлттық Банкінің шешімімен ҚОҚ-тың оған «Баспана» ипотекалық ұйымы» АҚ-ты біріктіру нысанында қайта ұйымдастырылғанын еске саламыз. Осыған байланысты эмитент Баспанадан ҚОҚ-қа ауыстырылды.

ҚОҚ ипотекалық бағдарламаларды қаржыландыруды бекітілген индикаторлар бойынша жалғастыра бермек. «7-20-25» бағдарламасы бойынша 1 трлн теңгеге ипотекалық қарыздар беру жоспарланған болатын. Қазір оның 150 млрд теңгеден астамы халыққа ипотека ретінде берілді. «Баспана Хит» бағдарламасы бойынша 300 млрд теңгеге ипотека беру көзделген еді. Оның 160 млрд теңгесі игеріліп үлгерді. Бүгінге дейін қор нарығынан аталған ипотекалық бағдарламаларын іске асыруға 341,4 млрд теңге тартылған.

«Қазақстанның орнықтылық қоры» акционерлік қоғамы (бұдан әрі – Қор) Қордың Директорлар кеңесінің құрамындағы өзгерістер туралы хабарлайды.

Қордың Жалғыз акционерінің 2020 жылғы 7 ақпандағы № 5 шешіміне сәйкес Қордың Директорлар кеңесінің құрамына мына адамдар сайланды:

1. Оспанов Ерболат Серікұлы – Қордың Басқарма Төрағасы;
2. Джованни Капаннелли – Тәуелсіз директор ретінде.

Енгізілген өзгерістерді ескере отырып, Қор Директорлар кеңесінің құрамына мынадай адамдар кіреді:

1. Біртанов Есжан Амантайұлы – Қор Директорлар кеңесінің Төрағасы;
2. Оспанов Ерболат Серікұлы – Қор Директорлар кеңесінің мүшесі, Басқарма Төрағасы;
3. Джованни Капаннелли – Қор Директорлар кеңесінің мүшесі (тәуелсіз директор).

Өзгерістер «Қазақстанның орнықтылық қоры» акционерлік қоғамының қайта ұйымдастырылуына байланысты болды.