«Қазақстанның орнықтылық қоры» акционерлік қоғамы (бұдан әрі  – Қор) Қордың Директорлар кеңесімен 2020 жылғы 31 қаңтарында Есжан Амантайұлы Біртановты Қордың директорлар кеңесінің төрағасы етіп сайлау туралы шешім қабылданғандығы жайлы хабарлайды.

«Қазақстанның орнықтылық қоры» акционерлік қоғамы (бұдан ары – Қор) Қордың жалғыз акционерінің 2019 жылғы 25 желтоқсандағы оған жалғыз акционердің шешімімен қарастырылғын шарттары мен тәртібінде «Баспана» ипотекалық ұйымы» акционерлік қоғамын біріктіру нысанында ерікті түрді қайта ұйымдастыру туралы шешімі қабылданғаны жайлы хабарлайды.

Ипотекалық тұрғын үй қарыздарын (ипотекалық қарыздарды) қайта қаржыландыру бағдарламасына жеке тұлғалардың 2016 жылғы 1 қаңтарға дейін берілген валюталық ипотекалық қарыздарын қайта қаржыландыру мерзімін ұзартуды көздейтін өзгерістер мен толықтырулар енгізілді.

Бұл туралы Қазақстан Ұлттық Банкі Төрағасының орынбасары Олег Смоляков хабарлады.

«Бағдарлама талаптарына сәйкес келетін барлық валюталық ипотекалық қарыз алушыларды Бағдарлама аясында барынша қамту мақсатында осы қарыздарды қайта қаржыландыру мерзімі 2019 жылғы 31 желтоқсанға дейін, таратылып жатқан «Астана Банкі» АҚ және «Qazaq Banki» АҚ банктеріндегі қарыздарды қайта қаржыландыру мерзімі 2020 жылғы 31 желтоқсанға дейін ұзартылды», – деп хабарлады О. Смоляков. Ол қарыздар Ұлттық Банктің 2015 жылғы 18 тамыздағы бағамы (бір АҚШ доллары үшін 188,35 теңге) бойынша теңгемен қайта қаржыландырылуға тиіс деп толықтырды.

Ұлттық Банк басшысының орынбасары Бағдарламаға енгізілген түзетулерді ескере отырып, қарыз алушылар 2019 жылғы 15 желтоқсаннан кешіктірмейтін мерзімде қайта қаржыландыруға өтінішпен кредитор банкке жүгінулері қажет.

«2019 жылғы 1 маусымдағы жағдай бойынша Бағдарлама шеңберінде қайта қаржыландыруға 64,9 млрд теңге сомасына 7 735 валюталық ипотекалық қарыз мақұлданды, 51,4 млрд теңге сомасына 6 283 валюталық ипотекалық қарыз қайта қаржыландырылды», – деп статистика келтірді О. Смоляков.

О. Смоляков Бағдарламаны Ұлттық Банк Қазақстан Республикасының Тұңғыш Президентінің тапсырмасымен 2015 жылдан бері іске асырып келе жатқанын да еске түсірді. 2004 – 2009 жылдардағы кезеңде банктер берген және жалғыз баспанамен қамтамасыз етілген қарыздарды қайта қаржыландыруға Ұлттық Банк 130 млрд теңге бөлді. Бөлінген қаражаттың толығымен игерілуіне байланысты қарыздарды қайта қаржыландыру бұған қайта қаржыландырылған қарыздарды өтеуге келіп түскен ақша есебінен жүзеге асырылуда. Мәселен, 2019 жылғы 1 маусымдағы жағдай бойынша банктер Бағдарлама шеңберінде қайта қаржыландыруға 165,9 млрд теңге сомаға 26 803 қарызды мақұлдаған, 148,3 млрд теңге сомаға 25 249 қарызды қайта қаржыландырды, қарыз алушылардың 51,3 млрд теңге сомаға сыйақы, комиссиялар, тұрақсыздық айыбы бойынша берешегі кешірілді.

Бағдарлама бойынша түсініктемелер мен консультацияларды Қазақстан Ұлттық Банкінің Алматы қ., Әйтеке би к-сі, 67-үй мекенжайындағы қоғамдық қабылдау бөлмесінде, ҚР Ұлттық Банкінің аумақтық филиалдарында, «Кері байланыс» нысаны арқылы ҚР Ұлттық Банкінің сайтынан алуға болады.

Толығырақ ақпаратты мына телефондар бойынша алуға болады:
+7 (727) 278 81 04 (ішкі 5571, 5573),
+7 (727) 261 92 13
e-mail: Fingramota@nationalbank.kz
www.nationalbank.kz

«Қазақстанның орнықтылық қоры» акционерлік қоғамы акционерінің 2019 жылғы 31 мамырдағы № 4 шешіміне сәйкес 2018 жылға Қоғамның жай акциялары бойынша дивидендтерді төлемеу туралы шешім қабылданды.

«Нұрбанк» АҚ валюталық ипотекалық қарыздарды қайта қаржыландыру мақсатында «Қазақстанның орнықтылық қоры» АҚ-мен салым шартын жасады. 2019 жылғы 4 маусымнан бастап Банк қарыз алушылардың валюталық ипотекалық қарыздарын қайта қаржыландыруға өтініштерді қабылдау процесін бастады. Осыған байланысты «Нұрбанк» АҚ салымшылары осы банкке тиісті өтінішпен жүгіне алады.

Естеріңізге сала кетейік, 2018 жылдың 10 қаңтарында Қазақстан Республикасының Тұңғыш Президенті – Елбасы өзінің Қазақстан халқына Жолдауында Ұлттық Банкке 2016 жылдың 1 қаңтарына дейін берілген халықтың валюталық ипотекалық қарыздары бойынша мәселені түпкілікті шешуді тапсырды.
Осы тапсырманы орындау үшін Ұлттық Банк Басқармасы 2018 жылғы 27 наурызда ипотекалық тұрғын үй қарыздарын қайта қаржыландыру бағдарламасын (бұдан әрі – бағдарлама) бекітті. Бұл бағдарлама 2016 жылдың 1 қаңтарына дейін берілген жеке тұлғалардың валюталық ипотекалық қарыздарын қайта қаржыландыруды көздейді.

Қарыздар Ұлттық Банктің 2015 жылғы 18 тамыздағы бағамы бойынша теңгемен қайта қаржыландыруға жатады (1 АҚШ доллары үшін 188,35 теңге). Толығырақ ақпарат алу үшін салымшылар «Нұрбанк» АҚ-ға 2552 (Ұялы телефоннан қоңырау шалу тегін) нөмірлері бойынша хабарласа алады немесе +7 727 259 9710
Бағдарлама бойынша сұрақтар туындаған жағдайда Қазақстан Ұлттық Банкіне нөмірлері бойынша хабарласуларыңызды сұраймыз.: +7 727 261 92 45, +7 700 483 21 25. Тұтынушылардың құқықтарын қорғау мәселелері бойынша қарыз алушыларға олардың аумақтық тиесілігіне сәйкес Қазақстан Ұлттық Банкінің және банктердің тиісті филиалдарына жүгінуге кеңес береміз. Филиалдардың байланыстары «Байланыс» бөлімінде http://www.nationalbank.kz/?docid=1552&switch=russian сілтемесінде бар.

Бағдарламаның шарттарымен Ұлттық Банктің сайтында «Қаржылық қызметтерді тұтынушылардың құқықтарын қорғау» бөлімінде келесі сілтеме бойынша танысуға болады: http://www.nationalbank.kz/?docid=1552&switch=russian.

Ипотекалық қарыз алушыларды мемлекеттік қолдау шеңберінде Мемлекет басшысының тапсырмасы бойынша Ұлттық Банк 2015 жылдан бастап ипотекалық қарыздарды қайта қаржыландыру бағдарламасын (бұдан әрі – бағдарлама) іске асыруда.
Ұлттық Банк 2015 жылы бөлген 130 млрд.теңге банктер 2004-2009 жылдар кезеңінде берген және жалғыз тұрғын үймен қамтамасыз етілген қарыздарды қайта қаржыландыруға бағытталған.
2019 жылғы 1 наурызға банктер Бағдарлама аясында 162,5 млрд.теңге сомасына 26,2 мың қарыз мақұлдады, оның ішінде 142,8 млрд. теңге сомасына 24,5 мың қарыз қайта қаржыландырылды.
Бөлінген қаражаттың толық игерілуіне байланысты қарыздарды қайта қаржыландыру қазіргі уақытта бұрын қайта қаржыландырылған қарыздарды өтеуден түсетін ақша есебінен жүзеге асырылады. Сондай-ақ, ақшаны игерудің револьверлік тетігін ескере отырып, 2026 жылға дейін қайта қаржыландырылған қарыздардың саны шамамен 40 мыңды құрайтынын атап өтеміз.
2018 жылғы 10 қаңтарда Қазақстан Республикасының Тұңғыш Президенті – Елбасы өзінің Қазақстан халқына Жолдауында Ұлттық Банкке 2016 жылғы 1 қаңтарға дейін берілген халықтың валюталық ипотекалық қарыздары бойынша мәселені түпкілікті шешуді тапсырды.
Осы тапсырманы орындау үшін Ұлттық Банк Басқармасы 2018 жылғы 27 наурызда жаңа редакцияда бекітілген бағдарлама 2016 жылғы 1 қаңтарға дейін берілген жеке тұлғалардың валюталық ипотекалық қарыздарын қайта қаржыландыруды көздейді.
Қарыздар Ұлттық Банктің 2015 жылғы 18 тамыздағы бағамы бойынша теңгемен қайта қаржыландыруға жататынын еске саламыз (1 АҚШ доллары үшін 188,35 теңге). Бағамдық айырма сомасы (шамамен 156 млрд.теңге) Ұлттық банктің қаражаты есебінен өтеледі.
Мемлекеттік – жеке меншік әріптестік шеңберінде банктер 136 млрд. теңгеден астам сомаға сыйақы, комиссиялар, тұрақсыздық айыбы бойынша қарыз алушылардың берешектерін кешіретінін хабарлаймыз. 2019 жылдың 1 наурызына банктер 56,4 млрд. теңге сомасына валюталық ипотекалық қарыздарды қайта қаржыландыруға 6,7 мың өтінімді мақұлдады,оның ішінде 42,2 млрд. теңге сомасына 5,3 мың қарыз қайта қаржыландырылды. Валюталық ипотекалық қарыздарды қайта қаржыландыру мерзімі 2019 жылғы 15 шілдеде аяқталғанына назар аударамыз. Осы мерзім өткеннен кейін банктер қарыз алушыларға берешекті өндіріп алуға бағытталған заңдарда көзделген шараларды қолдануға құқылы. Валюталық ипотекалық қарызды қайта қаржыландыру үшін қарыз алушылар 2019 жылғы 1 шілдеден кешіктірмей кредитор – банкке өтініш беруі қажет.
Бағдарламаның жүйелі талдауы көрсеткендей, халықтың әлеуметтік жағынан осал топтарына жататын қарыз алушылар (ХӘЖОТ), сондай-ақ қарыз бойынша міндеттемелерді орындау есебінен жалғыз мүлкі банктердің балансына ауысқан қарыз алушылар қосымша мемлекеттік қолдауға мұқтаж.
ХӘЖОТ санатынан қарыз алушылардың көпшілігі үшін табыстың жалғыз көзі әлеуметтік төлемдер мен бюджеттен берілетін жәрдемақылар, оның ішінде қарыздарға қызмет көрсетуге мүмкіндік бермейтін атаулы әлеуметтік көмек болып табылады.
ХӘЖОТ қарыз алушыларына қосымша қолдау көрсету және банктердің балансында тұрған тұрғын үйді қарыз алушылардың меншігіне қайтару шарттарын әзірлеу үшін Ұлттық банкте жұмыс тобы құрылды. Оған мүдделі мемлекеттік органдардың, саяси партиялардың өкілдері, екінші деңгейдегі банктердің өкілдері және қоғамдық бірлестіктердің басшылары енгізілген.
Сұрақтар туындаған жағдайда, қарыз алушыларға олардың аумақтық тиесілігіне сәйкес Қазақстан Ұлттық Банкінің және банктердің тиісті филиалдарына хабарласуды ұсынамыз. Филиалдардың байланыстары «Байланыс» бөлімінде Ұлттық Банктің http://www.nationalbank.kz/?docid=1552&switch=russian сайтында орналастырылған.
Бағдарламаның шарттарымен Ұлттық Банктің сайтында «Қаржылық қызметтерді тұтынушылардың құқықтарын қорғау» бөлімінде мына сілтеме бойынша танысуға болады:
http://www.nationalbank.kz/?docid=1552&switch=russian
Бағдарлама туралы сұрақтарыңыз болса, Қазақстан Ұлттық Банкіне хабарласыңыз:
• ресми өтініш мына мекен-жай бойынша: 050040, Қазақстан Республикасы, Алматы қаласы, «Көктем-3» шағын ауданы, 21 үй; e-mail: hq@nationalbank.kz;
• қоғамдық қабылдау бөлмесіне келесі мекен-жай бойынша: Алматы қаласы, Әйтеке би көшесі, 67 (телефон арқылы): +7(727) 2788 – 104 ( ішкі нөмірлері: 5573, 5571), Қазақстанның басқа өңірлерінің тұрғындары үшін олардың аумақтық тиесілігіне сәйкес Қазақстан Ұлттық Банкінің тиісті филиалдарының қоғамдық қабылдау бөлмелеріне хабарласуды ұсынамыз.;
• «НБК Online»мобильді қосымшасы.
Сілтемені Google Play Market -нан жүктеп алыңыз: https://play.google.com/store/apps/details?id=kz.nationalbank.appeals;
Сілтемені AppStore-нан жүктеп алыңыз:https://itunes.apple.com/kz/app/nbk-online/id1134502211?ls=1&mt=8.

Толығырақ ақпаратты БАҚ өкілдері +7 (727) 704 585 телефоны арқылы ала алады.
e-mail: press@nationalbank.kz
www.nationalbank.kz

Мемлекет басшысының тапсырмасына сәйкес Қазақстан Ұлттық Банкі

2015 жылдан бастап ипотекалық қарыздарды қайта қаржыландыру бағдарламасы іске асырылуда. Осы бағдарламаны іске асыруға Қазақстан Ұлттық Банкі 300 млрд. теңгеден астам қаражат бөлді, бұл ретте банктер қарыз алушылардың сыйақы, комиссия, 180 млрд.теңгеден астам сомаға тұрақсыздық айыбы бойынша берешегін кешіретін болады.

2004-2009 жылдар кезеңінде берілген және жалғыз тұрғын үймен қамтамасыз етілген қарыздарды қайта қаржыландыру мақсатында 130 млрд.теңге бөлінді.

Қарыз алушылардың борыштық жүктемесін жеңілдету мақсатында Бағдарлама жылдық 3% – дан аспайтын сыйақы ставкасы бойынша капиталдандырылған сомаларды шегере отырып, қарыз бойынша негізгі борышты қайта қаржыландыруды көздейді. Қарыз алушының сыйақы, комиссия, тұрақсыздық айыбы бойынша берешегін банктер кешіруге тиіс.

Қарызды қайта қаржыландыру нәтижесінде қарыз алушының қарызы 40%-50% – ға төмендейді.

Сот шешімдері бар халықтың әлеуметтік осал топтарына жататын қарыз алушылардың қарыздары бойынша Қазақстан Ұлттық Банкі мемлекеттік баж бойынша берешекті, сондай-ақ проблемалық валюталық қарыздар бойынша 15 млрд. теңгеден астам сомаға бағамдық айырманы өтеген.

2019 жылғы 1 ақпанға банктер Бағдарлама аясында 161,1 млрд.теңге сомасына 26 021 қарыз мақұлдады, 141,1 млрд. теңге сомасына 24 195 қарыз қайта қаржыландырылды.

Ақшаны игерудің револьверлік тетігін ескере отырып, 2026 жылға дейін қайта қаржыландырылған қарыздардың саны республика бойынша шамамен 40 мыңды құрауы мүмкін.

2016 жылғы 1 қаңтарға дейін шетел валютасында ипотекалық қарыз алған қарыз алушыларды қолдау Ұлттық Банктің 2015 жылғы 18 тамыздағы бағамы бойынша теңгемен валюталық қарыздарды қайта қаржыландыруды көздейді (1 АҚШ доллары үшін 188,35 теңге). Бүгінгі күні бағам АҚШ доллары үшін 378,04 теңгені құрайды.

Бағамдық айырма сомасы (шамамен 156 млрд.теңге) банктерге қайтарымды негізде Ұлттық Банктің меншікті қаражаты есебінен өтеледі.

Қарыз бойынша негізгі борыш қалдығы қайта қаржыландыруға жатады. Банктер 136 млрд.теңгеден астам сомаға сыйақы, комиссиялар, тұрақсыздық айыбы бойынша қарыз алушылардың берешегін кешіреді.

Қайта қаржыландырылатын қарыз бойынша сыйақы мөлшерлемесі жылдық 12% – ды құрайды (халықтың әлеуметтік осал топтары үшін-жылдық 3%). Егер қолданыстағы сыйақы ставкасы жылдық 12% – дан кем болған жағдайда, қарызды қайта қаржыландыру кезінде сыйақы ставкасы ұлғайтуға жатпайды. Бүгінгі күні ипотекалық қарыздар бойынша орташа нарықтық мөлшерлеме жылдық 12% -14% құрайтынын хабарлаймыз.

Валюталық қарыздарды қайта қаржыландыру қарыз алушының борыштық жүктемесін екі және одан да көп есе төмендетуге мүмкіндік береді.

2019 жылғы 1 ақпанға банктер 53,6 млрд.теңге сомасына 6 361 валюталық ипотекалық қарызды қайта қаржыландыруға мақұлдады, 38,6 млрд. теңге сомасына 4 917 қарыз қайта қаржыландырылды.

Валюталық ипотекалық қарыздарды қайта қаржыландыру мерзімі 2019 жылдың 15 шілдесінде аяқталады.

Қазіргі уақытта Қазақстанның Ұлттық Банкі мүлкі банктердің балансында тұрған ипотекалық қарыз алушыларды және қарыздары бағдарлама шеңберінде қайта қаржыландырылған халықтың әлеуметтік осал топтарына жататын қарыз алушыларды қолдау мәселесін пысықтауда.

Тұрғын үйді жалға беру шарттарын және халықтың әлеуметтік осал топтарына жататын қарыз алушыларды қосымша қолдау тетігін әзірлеу үшін оған мүдделі мемлекеттік органдардың, саяси партиялардың өкілдерін, Екінші деңгейдегі банктердің өкілдерін және қоғамдық бірлестіктердің басшыларын қоса отырып, жұмыс тобы құрылды. Жұмыс тобы азаматтардың осы санаттарына көмектің негізгі шарттарын әзірлегеннен кейін Бағдарламаға тиісті өзгерістер енгізілетін болады.

Сондай-ақ, Қазақстан Ұлттық Банкі Ұлттық Банктің қоғамдық қабылдау бөлмесіне жүгінген азаматтарға консультациялар береді және құқықтық көмек көрсетеді, заемдарды қайта құрылымдау шарттарын әзірлеу үшін заемшылардың банктер мен ипотекалық ұйымдардың өкілдерімен кездесулері өткізіледі.

Осылайша, мемлекет ипотекалық заемшыларға қолдау көрсету бойынша кешенді шараларды қолға алып отырады және жеке дереккөздер тарататын несиелерді есептен шығару туралы ақпарат шындыққа сәйкес келмейді.

Ұлттық Банк Бағдарламаны іске асыруды жетілдіру шаралары бойынша заемшылардың мүдделерін білдіретін қоғамдық бірлестіктермен белсенді диалог жүргізуге дайын және Ұлттық Банктің және оның бастамаларының негізгі қызметі туралы жұртшылықты жүйелі хабардар ету тәжірибесін жалғастырады.

Мемлекет басшысының Қазақстан халқына Жолдауының шеңберінде айтылған тапсырмасын орындау үшін Қазақстан Республикасының Ұлттық Банкі (бұдан әрі – Ұлттық Банк) Қазақстан Республикасының банк секторының қаржылық тұрақтылығын арттыру бағдарламасын (бұдан әрі – Бағдарлама) әзірледі.

Бағдарлама шеңберінде Бағдарламаның операторы болып табылатын акционерлік қоғам нысанында Ұлттық банктің еншілес ұйымын құру көзделген.

Бағдарламаны іске асыру мақсатында Ұлттық Банк Басқармасының 2017 жылғы 30 маусымдағы №130 Қаулысымен «Қазақстандық тұрақтылық қоры»Акционерлік қоғамын құру туралы шешім қабылданды.