«Қазақстанның орнықтылық қоры» АҚ (Fitch бойынша рейтингі «BBB», «Тұрақты» болжамымен, бұдан әрі – ҚОҚ) 2017-2024 жылдар аралығындағы кезең үшін жалғыз акционері – Қазақстан Ұлттық Банкіне дивиденд төледі.
2024 жылдың қорытындысы бойынша 78,98 млрд теңге төленді. 2024 жыл үшін бір жай акцияға шаққандағы дивиденд мөлшері 159 теңге 98 тиынды құрады. Ал 2017-2023 жылдар аралығында жалпы сомасы 292,3 млрд теңге көлемінде дивиденд аударылды. 2017-2023 жылдар үшін бір жай акцияға шаққандағы дивиденд мөлшері 592 теңге 12 тиын болды.
Осыған дейін, 2020 және 2019 жылдардың қорытындылары бойынша жалғыз акционерге сәйкесінше 32,4 млрд және 27,7 млрд теңге көлемінде дивиденд төленген болатын.
ҚОҚ – қаржы секторын тұрақтандыру бағдарламаларын жүзеге асыратын және экономиканы дамыту мақсатында қаржылық қолдау көрсететін Қазақстан Ұлттық Банкінің ұйымы болып табылады.