2022 жылы Қор Қазақстан Ұлттық Банкінің қаржылық тұрақтылықты қамтамасыз етуге ықпал ету және бағалардың тұрақтылығын қамтамасыз ету жөніндегі стратегиялық міндеттерін іске асыру мақсатында бекітілген бағдарламалар шеңберінде өз қызметін үш негізгі бағыт бойынша жүзеге асырды.

1. Қаржы жүйесінің орнықтылығын қамтамасыз ету:
– бұрын салынған қаражатты қайтаруды қамтамасыз ету бөлігінде ҚР банк секторының қаржылық орнықтылығы бағдарламасын іске асыруды жалғастырды;
– бағалы қағаздар нарығына қатысушыларға инвестициялау үшін сапалы құрал ұсынды, жалпы сомасы 556 млрд теңгеге облигациялар орналастыруды жүзеге асырды. Бұл ретте 325 млрд теңге сомасына бұрын шығарылған облигациялар бойынша міндеттемелерді өтеді, осылайша қор нарығының дамуына үлесін қосты;
– қарыз алушылардың жалғыз тұрғын үйін сақтау және олардың берешегін азайтуға жәрдем көрсету мақсатында Ипотекалық тұрғын үй қарыздарын қайта қаржыландыру бағдарламасын іске асыруға қатысуды жалғастырды, оның шеңберінде жалпы сомасы 363 млрд теңгеге 53,7 мыңнан астам қарыз алушы қайта қаржыландырылды.

2. Нарық жағдайында экономиканы дамытуға қаржылық қолдау көрсету:
– ипотекалық тұрғын үй бағдарламалары бойынша 427,5 млрд теңге сомасына қарыздар берілді, бұл 29 мыңнан астам қазақстандыққа тұрғын үй сатып алуға мүмкіндік берді;
– «Қарапайым заттар экономикасы» бағдарламасы шеңберінде өңдеуші өнеркәсіп және агроөнеркәсіптік кешен кәсіпорындарына 27 млрд теңге сомасында қаржылық қолдау көрсетілді.

3. Тиімді және орнықты Қор құру:
Қор 2022 жылғы таза пайданы 76 млрд теңге мөлшерінде алды, бұл жоспарлы көрсеткіштермен салыстырғанда орындаудың 143%-ын құрады.

Тиімділік көрсеткіштері:
ROA – 2,0% (жоспардың 138% орындалуы);
ROE – 2,89% (жоспардың 142% орындалуы).

Сондай-ақ 2022 жылы Қор 264 млрд теңге сомасына негізгі борыш пен пайыздық сыйақы түрінде бағдарламалық қаражатты қайтарып берді, бұл осы көрсеткіш бойынша жоспармен салыстырғанда 101%-ды құрады.

Стратегиялық бағыттарға қол жеткізумен қатар, Қор өз жұмысында бизнестің орнықты дамуы мен корпоративтікәлеуметтік жауапкершілігі қағидаттарын басшылыққа алды.

Қазақстанның орнықтылық қорының 2022 жылғы Жылдық есебімен МЫНА ЖЕРДЕН таныса аласыздар.

Қазақстанның орнықтылық қоры 32 800 468 000 теңге сомасына KZ2C00008670 облигацияларын өтеді. Инвесторларға төленген купондық сыйақы көлемі 3 116 044 460 теңгені құрады. Бір жылдық құнды қағаздар айналымға 2022 жылдың 17 шілдесінде түскен болатын.

ҚОҚ өзінің облигациялық бағдарламасын іске асыруды жалғастыруда және облигацияларды одан әрі орналастыруды жоспарлап отыр.

Қазіргі таңда Қор облигациялары ұқсас рейтингі бар мемлекеттік бағалы қағаздар деңгейіне тұрақты спрэд беру, эмитент рейтингі суверенді рейтингпен бірдей, салықтан босатуға рұқсат беретін бағалы қағаздардың агенттік мәртебесі, қор биржасында орналастырудың жоғары жиілігі және нарықтағы төлемдер мен өтеулердің мінсіз тарихы сынды артықшылықтарға ие және соның арқасында нарықта жоғары сұраныс бар.

ҚОҚ облигацияларын брокерлік компаниялар, банктер, сақтандыру компаниялары және активтерді басқарушы компаниялар ұстап отыр.

ҚОҚ – Қазақстан Республикасы Ұлттық Банкінің ұйымы. Fitch Ratings халықаралық шкаласы бойынша ҚОҚ кредиттік рейтингі «BBB» / болжам «Тұрақты».

Интернетте алаяқтардың «7-20-25» Бағдарламасы бойынша ипотекалық несие алу үшін банктік брондау/кезектегі орындарды сататын күмәнді жарнамалары жиілеп кетті.

«7-20-25» Бағдарламасының операторы – «Қазақстанның орнықтылық қоры» АҚ Қазақстан Республикасының заңнамасын бұзуға, сыбайлас жемқорлық, алаяқтық және заңға қайшы әрекет фактілеріне мүлдем төзбеушілік ұстанымын ұстанады.

«7-20-25» Бағдарламасына екінші деңгейлі банктердің қатысуы туралы шарт банктің «7-20-25» Бағдарламасы бойынша ипотекалық қарыздарды беру және оларға қызмет көрсету процесін ұйымдастыру кезінде ықтимал сыбайлас жемқорлық құқық бұзушылықтар туралы ақпаратқа дереу ден қою міндетін көздейді. Қор сыбайлас жемқорлық пен алаяқтықтың алдын алу мәселелері бойынша банктермен тұрақты түрде консультациялар жүргізеді.

Әрбір келіп түскен ақпарат бойынша «7-20-25» Бағдарламасына қатысушы банктердің қауіпсіздік қызметтері тексерулер жүргізіп, заңның бұзылғаны расталса, істі құқық қорғау органдарына тапсырып отырады.

Азаматтарды сақ болуға шақырамыз. Ешкімге ешқашан ақша бермеңіз. Егер Сіз заңды бұзудың немесе оған итермелеудің осы немесе басқа фактілерімен кездессеңіз, дереу фактіні жазып алып, Бағдарламаға қатысушы банктердің ресми сайттарында көрсетілген байланыс арналары арқылы хабарласыңыз.

«7-20-25» бағдарламасы басталғалы бері (2018 жылғы шілдеден бастап) 2023 жылғы 30 маусымдағы жағдай бойынша 923,3 млрд теңгеге 68 593 несие берілді. Оның ішінде Астанада 384,9 млрд теңгеге 24 583 несие, Алматыда – 210,4 млрд теңгеге 13 664 несие, Шымкентте – 63,6 млрд теңгеге 5 193 несие, Қарағанды облысында – 49,1 млрд теңгеге 3 976 несие, Ақтөбе облысында – 29,1 млрд теңгеге 3 029 несие берілді.

Еске салайық, 2023 жылы «7-20-25» бағдарламасы бойынша 100 млрд теңге көлемінде қаржыландыру лимиті бекітілді. Сома тоқсандар бойынша біркелкі бөлінеді. 2023 жылдың 1 шілдесінен бастап Бағдарламаның серіктес банктері үшін 25 млрд теңге көлемінде үшінші тоқсанның лимиті күшіне енді.

Бағдарламаның операторы – «Қазақстанның орнықтылық қоры» АҚ банктердің Бағдарлама шарттарымен берген кредиттерін ағымдағы бюджет шегінде өтейді. Осылайша, банктер Бағдарлама бойынша алдын ала қаржыландырылмайды.

«7-20-25» бағдарламасы бастапқы, пайдалануға берілген тұрғын үйлерге ғана ипотекалық несие береді. Азаматтар Бағдарламаға бір рет қана қатыса алады.

«7-20-25» бағдарламасының серіктес банктері: ЦентрКредит Банкі, Халық Банкі, Freedom Finance Қазақстан Банкі, РБК Банкі, Altyn bank, Еуразиялық банк, Fortebank.

Бағдарламаның шарттары туралы толығырақ.

Ағымдағы жылдың маусым айында Қазақстанның орнықтылық қоры жалпы сомасы 70,0 млрд теңгеге облигациялардың үш шығарылымын өтеп, бағалы қағаздарды ұстаушыларға бес шығарылым бойынша 11,5 млрд теңге сомасында купондық сыйақы төледі.

ҚОҚ өзінің облигациялық бағдарламасын іске асыруды жалғастыруда және облигацияларды одан әрі орналастыруды жоспарлап отыр.

Қазіргі таңда Қор облигациялары ұқсас рейтингі бар мемлекеттік бағалы қағаздар деңгейіне тұрақты спрэд беру, эмитент рейтингі суверенді рейтингпен бірдей, салықтан босатуға рұқсат беретін бағалы қағаздардың агенттік мәртебесі, қор биржасында орналастырудың жоғары жиілігі және нарықтағы төлемдер мен өтеулердің мінсіз тарихы сынды артықшылықтарға ие және соның арқасында нарықта жоғары сұраныс бар.

ҚОҚ облигацияларын брокерлік компаниялар, банктер, сақтандыру компаниялары және активтерді басқарушы компаниялар ұстап отыр.

ҚОҚ – Қазақстан Республикасы Ұлттық Банкінің ұйымы. Fitch Ratings халықаралық шкаласы бойынша ҚОҚ кредиттік рейтингі «BBB» / болжам «Тұрақты».

«Қазақстанның орнықтылық қоры» акционерлік қоғамы (бұдан әрі – Қор) алаяқтардың Қор атынан жалған хаттар таратып, сол арқылы азаматтардың қаражатын заңсыз иемденуге әрекет жасап жатқандығын ескертеді. Атап айтқанда, алаяқтар азаматтарға жылжымайтын мүлікке меншік құқығын беру және меншік құқығын тіркеуге кепілдік беру бойынша Қор басшыларының атынан жалған кепілдік және ақпараттық хаттар таратуда.

Қор ешкімге ешқандай хаттар бермейтінін ресми түрде мәлімдейміз. Қор «7-20-25» ипотекалық тұрғын үй бағдарламасының операторы болып табылады және тек екінші деңгейлі банктермен ғана жұмыс істейді. Қор жеке тұлғалармен жұмыс жүргізбейді, тұрғын үй нысандарының құрылысына қатыспайды және балансында тұрғын үй мүлкі жоқ.

Осыған байланысты азаматтарды қырағылыққа шақырамыз. Ешқашан ешкімге ақша бермеңіздер. Қор атынан белгісіз біреулердің хаттар немесе анықтама құжаттар беріп жүргенін көрсеңіз, дереу құқық қорғау органдарына хабарласыңыз.

Сұрақ, не күдік туған жағдайда, Қорға +7 (727) 277-20-25 телефоны арқылы хабарласуға болады.

2023 жылдың 1 тоқсанының қорытындысы бойынша «7-20-25» ипотекалық тұрғын үй бағдарламасы аясында 24,4 млрд теңгеге 1 501 несие берілді. 2023 жылғы 1 сәуірдегі жағдай бойынша 0,6 млрд теңге сомасындағы несиелік өтінімдер өңдеу сатысында тұр.

«7-20-25» бағдарламасы басталғалы бері (2018 жылғы шілдеден бастап) 2023 жылғы 6 сәуірдегі жағдай бойынша 899,3 млрд теңгеге 67 137 несие берілді. Оның ішінде Астанада 373,6 млрд теңгеге 23 942 несие, Алматыда – 204,6 млрд теңгеге 13 340 несие, Шымкентте – 62,2 млрд теңгеге 5 117 несие, Ақтөбе облысында – 28,6 млрд теңгеге 2 981 несие, Ақмола облысына – 27,6 миллиард теңгеге 2 775 несие берілді.

Еске салайық, 2023 жылы «7-20-25» бағдарламасы бойынша 100 млрд теңге көлемінде қаржыландыру лимиті бекітілді. Сома тоқсандар бойынша біркелкі бөлінеді. 2023 жылдың 1 сәуірінен бастап Бағдарламаның серіктес банктері үшін 25 млрд теңге көлемінде екінші тоқсанның лимиті күшіне енді.

Бағдарламаның операторы – «Қазақстанның орнықтылық қоры» АҚ банктердің Бағдарлама шарттарымен берген кредиттерін ағымдағы бюджет шегінде өтейді. Осылайша, банктер Бағдарлама бойынша алдын ала қаржыландырылмайды.

«7-20-25» бағдарламасы бастапқы, пайдалануға берілген тұрғын үйлерге ғана ипотекалық несие береді. Азаматтар Бағдарламаға бір рет қана қатыса алады.

«7-20-25» бағдарламасының серіктес банктері: ЦентрКредит Банкі, Халық Банкі, Freedom Finance Қазақстан Банкі, РБК Банкі, Altyn bank, Еуразиялық банк, Fortebank.

Бағдарламаның шарттары туралы толығырақ.

Ақпан айында «Қазақстанның орнықтылық қоры» АҚ (ҚОҚ) 108,5 млрд теңге сомасына KZ2C00006484 үш жылдық облигацияларын өтеді.

Бүгіндері Қазақстандық орнықтылық қоры корпоративтік эмитенттердің арасында бағалы қағаздар нарығының ең белсенді қатысушысы болып танылды. Қор KASE-де орналастырылған корпоративтік облигациялардың 60% үлесіне ие. 2023 жылы бір, екі, үш, бес және жеті жылдық облигацияларды орналастыру жоспарлануда.

Қазіргі уақытта Қор облигациялары ұқсас рейтингі бар мемлекеттік бағалы қағаздар деңгейіне тұрақты спрэд беру, эмитент рейтингі суверенді рейтингпен бірдей, салықтан босатуға рұқсат беретін бағалы қағаздардың агенттік мәртебесі, қор биржасында орналастырудың жоғары жиілігі және нарықтағы төлемдер мен өтеулердің мінсіз тарихы сынды артықшылықтарға ие және соның арқасында жоғары сұраныс алып отыр.

Қор бекітілген мөлшерлемелі облигациялармен қатар TONIA индикаторымен байланысты өзгермелі купондық мөлшерлемесі бар облигациялар орналастырады. Ол инвесторға пайыздық тәуекелден қорғауды, оң спрэдпен тәуекелсіз мөлшерлеме деңгейінде табыстылық пен қайта инвестициялау қажеттілігінен айрылу мүмкіндігін қамтамасыз етеді.

Қазіргі уақытта ҚОҚ облигацияларын брокерлік компаниялар, банктер, сақтандыру компаниялары және активтерді басқарушы компаниялар ұстап отыр.

ҚОҚ – Қазақстан Республикасы Ұлттық Банкінің ұйымы. Fitch Ratings халықаралық шкаласы бойынша ҚОҚ кредиттік рейтингі «BBB» / болжам «Тұрақты».

«7-20-25» бағдарламасы өз жұмысын жалғастыруда. 2023 жылға лимит 100 млрд теңге болып бекітілді.

2018 жылдан бастап қолданылып жүрген механизмге сәйкес, банктер өз ішкі құжаттарына сай қарыз алушының Бағдарламаға сәйкестігін, оның төлеп қабілеттілігін бағалайды және несие береді.

Бағдарламаның операторы «Қазақстанның орнықтылық қоры» АҚ банктер берген кредиттерді сатып алу жолымен жұмыс істейді. Осылайша, банктер Бағдарлама бойынша алдын ала қаржыландырылмайды.

Естеріңізге сала кетейік, «7-20-25» бағдарламасы бойынша тек бастапқы, пайдалануға берілген тұрғын үйлерге ғана несие беріледі. Айта кету керек, құрылысы аяқталмаған тұрғын үйді алдын-ала брондау азаматқа «7-20-25» бағдарламасы бойынша ипотекалық несие алады дегенге ешқандай кепілдік бермейді.

Қазіргі уақытта азаматтардың көпшілігі серіктес банктерге тұрғын үй әлі таңдалмаған немесе пайдалануға берілмей тұрса да жүгінуде. Бұл банктерде негізсіз кезектің пайда болуына әкеліп соқты. Және екінші деңгейлі банктердің скоринг жүйесіне ауыр салмақ түсіруде.

«Қазақстанның орнықтылық қоры» АҚ азаматтардан таңдаған тұрғын үй пайдалануға берілген жағдайда ғана банктерге жүгінуді сұрайды.

Сондай-ақ, азаматтар «7-20-25» бағдарламасына бір рет қана қатыса алатынын атап өтеміз. Яғни, егер азамат бұған дейін азамат осы бағдарлама бойынша жылжымайтын мүлікті сатып алған болса, оның жаңа өтінімі мақұлданбайды. Бағдарлама шарттары туралы толығырақ ақпаратты https://baspana72025.kz сайтынан білуге ​​болады.

«Қазақстанның орнықтылық қоры» АҚ мәліметі бойынша, 2023 жылдың басынан бері 10 ақпанға дейін «7-20-25» бағдарламасы бойынша берілген несиелердің жалпы сомасы 11,2 млрд теңгені құрайды. Кредит серіктес банктер: Банк ЦентрКредит, Халық Банкі, Банк Freedom Finance Қазақстан, РБК Банк, Altyn bank, Еуразиялық банк, Fortebank арқылы берілген.

«Қазақстанның орнықтылық қоры» АҚ (ҚОҚ) 22 012 128 000 теңге сомасына KZ2C00008019 облигацияларын өтеді. Инвесторларға төленген купондық сыйақы 2 091 152 000 теңгені құрады.

Бағалы қағаздар нарық ойыншылары: екінші деңгейдегі банктердің, сақтандыру компанияларының, активтерді басқару ұйымдарының және брокерлік ұйымдардың арасында өткізілді.

Қазіргі кезде ҚОҚ биржалық портфелі бір, екі, үш, бес, жеті және он жылдық облигациялардан тұрады, олар мемлекеттік бағалы қағаздар қоржынына енгізілген және екінші деңгейдегі банктердің ипотекалық қарыздарын сатып алу арқылы «7-20-25» ипотекалық бағдарламасын іске асыру мақсатында шығарылады.

ҚОҚ облигациялық бағдарламасы инвесторларға бекітілген және құбылмалы сыйақы мөлшерлемесімен құнды қағаздар ұсынады.

ҚОҚ – Қазақстан Республикасы Ұлттық Банкінің ұйымы. Fitch Ratings халықаралық шкаласы бойынша ҚОҚ кредиттік рейтингі «BBB» / болжам «Тұрақты».