2020 жылы «7-20-25» және «Баспана Хит» ипотекалық бағдарламалары арқылы 34 549 қазақстандық меншікті баспанаға ие болды. Берілген кредиттердің жалпы сомасы 349,7 миллиард теңге құрады. Оның ішінде «7-20-25» бағдарламасы бойынша 120,8 млрд теңге сомасына 10 207 кредит берілді, «Баспана Хит» бағдарламасы бойынша 228,8 млрд теңге сомасына 24 342 қарыз берілді. Бұл 2019 жылғы көрсеткіштерге қарағанда, 25%-ға артқан.

Ипотекалық қарыздар ең көп Сбербанк, ЦентрКредит Банк және Халык банк арқылы берілді. ЦентрКредит Банк «7-20-25» бағдарламасы бойынша қатарынан үш жыл ең жоғары көрсеткіштерге қол жеткізіп отыр. «Баспана Хит» ипотекалық бағдарламасын іске асыруда біріншілікті сөзсіз Сбербанк  алады. Оператор – Қазақстанның орнықтылық қоры көшбасшы банктерге алғыс хатын жіберді.

Өткен жылы ипотекалық кредиттеу нарығы пандемия жағдайында өсті. Ипотекалық кредиттердің беру қарқынының баяулауы локдауынның енгізілуі кезеңінде наурыздан бастап мамырға дейін байқалды. Мамырдың соңынан бастап қарқыны қалпына келіп, карантинге дейінгі деңгейге жетті.

«7-20-25» тұрғын үй бағдарламасының іске асырылуы 2018 жылғы шілдеден басталғанын еске саламыз. Ол бойынша расталған табысы бар және өзге тұрғын үйі жоқ және басқа ипотекалық қарыздары жоқ Қазақстанның әрбір азаматы пайдалануға енгізілген жаңа тұрғын үйді сатып алуға кредит ала алады.

«7-20-25» бағдарламасы іске қосылғаннан кейін, 2018 жылғы қазанда бастапқы және қайталама нарықты қамтитын, сондай-ақ азаматтарға тұрғын үйді құрылысы салынып жатқан кезеңде сатып алуға мүмкіндік беретін «Баспана Хит» ипотекалық бағдарламасы енгізілді.

«7-20-25» және «Баспана Хит» бағдарламалары нарықтық талаптармен, КАSE-де қаражат тарту арқылы қаржыландырылады және қазақстандықтардың тұрғын үй жағдайларын жақсартуда маңызды рөл атқарады.

Қазіргі кезде 69 мыңға жуық отбасы меншікті баспанаға ие болды. Жиынтығында 679 млрд теңгеден аса берілді. Ипотекалық бағдарламаларға филиал желілері таралған 9 ірі қазақстандық банк қатысады.

Алматы қаласының тұрғыны өзінің зейнетақы жинақтарын пайдаланып, «Баспана Хит» бағдарламасы бойынша пәтер сатып алды.

«Баспана Хит» ипотекалық бағдарламасы шеңберінде зейнетақы жинақтарын пайдалану арқылы бірінші қарыз берілді. Алматының тұрғыны БЖЗҚ-дан түскен қаражатты алғашқы жарна ретінде пайдаланып, ипотекаға баспана алды.

Еnpf-otbasy.kz порталында өтінім беруден бастап, кілтті алғанға дейінгі барлық жұмысқа 7 жұмыс күні кетті.

Қазақстан азаматтары зейнетақы жинақтарының шекті мөлшерінен асатын қаржыны «7-20-25» және «Баспана Хит» ипотекалық бағдарламалары бойынша несиені мерзімнен бұрын өтей, не бастапқы жарна ретінде жұмсай алатынын еске саламыз.

Бұл үшін:

• БЖЗҚ-дан алуға рұқсат етілген соманы білу (онлайн режимінде);
• Уәкілетті оператор болып табылатын банктердің бірінде арнайы шот ашу (онлайн режимінде);
• Бірыңғай оператордың enpf-otbasy.kz порталында зейнетақы жинақтарын пайдалануға өтініш беру (онлайн режимінде);
• Порталға талап етуге құжаттарды жүктеу қажет (онлайн режимінде).

10 ақпандағы жағдай бойынша «7-20-25» және «Баспана Хит» бағдарламалары аясында берілген кредиттердің сомасы 670 млрд теңгеден асты. 68 мың қазақстандық отбасы баспанаға ие болды.

Fitch Ratings «Қазақстанның орнықтылық қоры» АҚ (бұдан әрі – ҚОҚ) эмитент дефолтының ұзақ мерзімді рейтингтерін («ЭДР») тұрақты болжамымен «ВВВ» деңгейінде растады.

Fitch пікірі бойынша «ҚОҚ мәртебесі, меншігі және қызметіне бақылау «өте жоғары» деп бағаланады. «Бұл мемлекеттік бағдарламаларды іске асыру үшін қолайлы саяси жағдайларға негізделген», – деп хабарлайды Fitch.

Altyn Bank «7-20-25» және «Баспана Хит» ипотекалық  бағдарламалары бойынша азаматтардың өтінімдерін қабылдай бастады. Банк пен ипотекалық бағдарламалардың операторы – «Қазақстанның орнықтылық қоры» акционерлік қоғамының арасында тиісті келісімге қол қойылды.

«7-20-25» ипотекалық бағдарламасының басты артықшылықтары оның атауында көрсетілген. Қарыздар төмендетілген пайыздық мөлшерлеме – жылдық 7%-бен 25 жыл мерзіміне беріледі, бұл ретте бастапқы жарна сатып алынатын тұрғын үйдің құнынан 20% құрайды. Бұл бағдарлама бойынша жылжымайтын мүлікті бастапқы нарықтан ғана сатып алуға болады.Сатып алынатын тұрғын үйдің ең жоғары құны  – Нұр-Сұлтан, Алматы, Ақтау, атырау, Шымкент қалалары үшін 25 млн теңге, Қарағанды қаласы үшін 20 млн теңге, басқа өңірлер үшін 15 млн теңге құрайды.

«Баспана Хит» ипотекалық бағдарламасы бойынша Altyn Bank-тің клиенттері жаңа тұрғын үйді ғана емес, қайталама нарықтағы үйді де сатып алуға өтінім бере алады. Нұр-Сұлтан, Алматы қалаларындағы бастапқы нарықтағы тұрғын үйдің ең жоғары құны – 35 млн теңге, қайталама нарықта – 25 млн теңге, Ақтау, Атырау, Шымкент қалаларында – 20 млн теңге, басқа өңірлерде – 15 млн теңге құрайды. «Баспана Хит» бағдарламасының талаптары бойынша қарыздар тұрғын үйдің құнынан 20% бастапқы жарнасымен 15 жыл мерзіміне беріледі. Ипотекалық қарыз теңгемен беріледі. Номиналды сыйақы мөлшерлемесі мынадай формула бойынша есептеледі: ҚР Ұлттық Банкінің базалық мөлшерлемесі +175 базистік тармақ (ағымдағы күнге – жылдық 10,75%)

«Altyn Bank қосылғаннан кейін «7-20-25» және «Баспана Хит» ипотекалық бағдарламаларына қатысушы банктер саны тоғызға дейін өсті. Серіктестер қатарының артуы бағдарламалардың ауқымын кеңейтеді, клиенттік сервисті жақсартады және азаматтарға өзіне қолайлы банкті таңдауға мүмкіндік береді», – дейді «Қазақстанның орнықтылық қоры» АҚ басқарма төрағасының орынбасары Рүстем Қыдыков.

«Біз әрбір клиентіміздің ипотека бойынша ең қолайлы және қолжетімді талаптарын таңдауға мүмкіндік алуын қалаймыз. «7-20-25» және «Баспана Хит» мемлекеттік бағдарламаларына қатысу біз үшін маңызды қадам, ол біздің клиенттерімізге ең ұтымды нарықтық талаптармен тұрғын үй кредитін алуға мүмкіндік береді», – деп түйіндеді «Altyn Bank» АҚ Бөлшек өнімдер департаментінің директоры Жанара Шалабаева

Қазіргі кезде «7-20-25» және «Баспана Хит» бағдарламалары бойынша ипотекалық кредитті Банк ЦентрКредит, Сбербанк, Халық банк, АТФБанк, Еуразиялық банк, Bank RBK, Jysan bank, ForteBank және Altyn Bank береді.

Altyn Bank-тен ипотекалық кредит бойынша  +7 (727) 35-65-777 телефоны арқылы кеңес алуға болады. Өтінімдер Altyn Bank-тің  Нұр-Сұлтан, Алматы, Ақтау, Атырау және Шымкент қалаларындағы бөлімшелерінде қабылданады.

«Қазақстанның орнықтылық қоры» АҚ («ВВВ»/болжамы «Тұрақты», Fitch – бұдан әрі ҚОҚ) Қазақстан қор биржасында ұзақ мерзімді 10 жылдық облигацияларын орналастырып, қаржы тартты.

Тартылған қаржы көлемі 10 миллиард теңгені құрады. Биржадағы сауда-саттық нәтижелері бойынша облигациялар толығымен сатылды. Бұл инвесторлардың ҚОҚ құнды қағаздарын ұзақ мерзімді инвестициялаудың сенімді қаржылық құралы ретінде көріп отырғанын байқатады.

Он жылдық облигациялар шығару арқылы ҚОҚ ипотекалық бағдарламаларды жүзеге асыру үшін «ұзақ мерзімді» қаржыландыру тарта алады. Онымен бірге, бағалы қағаздар ұстаушылар алдындағы міндеттемелерді тиімді және біркелкі бөлу мүмкіндігі туады.

«Қазақстанның орнықтылық қоры» АҚ («ВВВ»/болжамы «Тұрақты», Fitch – бұдан әрі ҚОҚ) KZ2C00006328 екі жылдық облигациялары бойынша бірінші купонын уақытында төлегенін хабарлайды. Сыйақы мөлшері 8,5 миллиард теңгені құрады.

Облигациялар 100 миллиард теңге сомасына орналастырып, купондық кірістілігі жылдық 8,5 процентті құраған болатын.

Бұл облигацияларды екінші деңгейлі банктер, сақтандыру компаниялары, активтерді басқару қорлары мен брокерлік ұйымдар сатып алды.

ҚОҚ облигациялары мемлекеттік бағалы қағаздар қоржынына енгізілген және екінші деңгейлі банктерден ипотекалық қарыздарын сатып алу арқылы «7-20-25» және «Баспана Хит» ипотекалық тұрғын үй бағдарламаларын іске асыру мақсатында шығарылады.

Елбасы Н.Ә.Назарбаевтың 2018 жылғы 10 қаңтардағы Қазақстан Республикасы Президентінің Қазақстан халқына Жолдауында айтылған кәсіпкерлікті ұзақ мерзімді несиелеуді қамтамасыз ету туралы тапсырмасын іске асыру шеңберінде, сондай-ақ Мемлекет басшысы Қ.Тоқаевтың 2020 жылғы 1 қыркүйектегі Жолдауы аясында айтқан тапсырмасын орындау барысында экономиканың нақты секторларын несиелендіру үшін Қазақстан Ұлттық Банкі Басқармасының «Тұрғын үй нарығындағы ұзақ мерзімді несиелендіруді ынталандыру тәсілдері» қаулысына өзгерістер енгізді. Тәсілдердің негізгі міндеттері экономиканы ұзақ мерзімді банктік несиелендіруді кеңейту, тұрғын үй нарығында ұзақ мерзімді несиелендіруді белсендіру, халықтың әртүрлі топтары үшін тұрғын үй ипотекасының қолжетімділігін арттыру болып табылады. Міндеттерді іске асыру, оның ішінде операторы «Қазақстанның орнықтылық қоры» АҚ болып табылатын «Баспана хит» нарықтық ипотекалық өнімі арқылы жүзеге асырылуда.

«Баспана хит» ипотеканың тиімді шарттарын ұсынады. Жылдық номиналды сыйақы мөлшерлемесінің мөлшері «базалық мөлшерлеме + 175 базистік тармақ» формуласы бойынша банктік қарыз шартын жасау күніне айқындалады және оны қарыз мерзімі ішінде өзгертуге болмайды. Бастапқы төлем – 20%-дан бастап, несие мерзімі – 15 жылға дейін. Бастапқы тұрғын үйден бөлек қайталама нарықта баспана сатып алуға болады. Сондай-ақ баспананың жоқтығы туралы талап жоқ. «Баспана хит» бағдарламасы аясында 26 қазандағы жағдай бойынша 388,1 млрд теңгеге 44 228 өтінім мақұлданса, оның ішінде 306,8 млрд теңгеге 35 769 несие берілді. «Баспана хит» бағдарламасын жүзеге асыру барысында азаматтардың өтініштері мен банктерден, құрылыс салушылар мен қоғамдық бірлестіктерден түскен ұсыныстар талданды, оның негізінде 2020 жылдың қыркүйегінде Қазақстан Ұлттық Банкі тұрғын үйге қолжетімділікті арттыруға және тұрғын үй алудың қолжетімділігін арттыруға бағытталған түзетулерді бекітті.

Жарлықта:

– Нұр-Сұлтан және Алматы қалаларында бастапқы нарықта сатып алынатын тұрғын үй құнының шекті лимитін 25 миллион теңгеден 35 миллион теңгеге дейін арттыру;

– Шымкент қаласында бастапқы және қайталама нарықтарда сатып алынатын тұрғын үйлердің шекті құнының лимитін 25 млн теңгеге, Қарағандыда 20 млн теңгеге дейін арттыру;

– үлестік қатысу шеңберінде салынып жатқан тұрғын үйді сатып алу мүмкіндігі қарастырылады. 

Бұл бағыттағы несиелендіру «Тұрғын үй құрылысына үлестік қатысу туралы» Қазақстан Республикасының Заңына сәйкес жүзеге асырылатын болады. Лимитті арттыру «Баспана хит» бағдарламасы аясында қазірдің өзінде күшіне енген. Үлестік қатысу шеңберінде салынып жатқан тұрғын үйді сатып алуға несие беруді бастау үшін бағдарлама операторы серіктес банктермен бірлесіп, дайындық жұмыстарын жүргізуде. «Баспана хит» бағдарламасы бойынша салынып жатқан тұрғын үйлерді несиелендірудің басталғаны туралы кейінірек хабарланады.

«Қазақстанның орнықтылық қоры» АҚ («ВВВ»/болжамы «Тұрақты», Fitch – бұдан әрі ҚОҚ) ISIN KZ2C00006211 екі жылдық облигацияларын ұстаушыларға  бірінші купондық сыйақыны 5,95 млрд теңге сомасына уақтылы және толық көлемде төледі.

Бұл төлем 2019 жылғы 29 қыркүйекте жылдық 10,25% орташа мөлшерленген кірістілігімен 70 млрд теңге сомасына орналастырылған екі жылдық облигациялардың дебюттік шығарылымы бойынша жүргізілді.

ҚОҚ облигацияларының негізгі ұстаушылары екінші деңгейдегі банктер, институционалдық инвесторлар және заңды тұлғалар болып табылады.

ҚОҚ облигациялары мемлекеттік бағалы қағаздар қоржынына енгізілген және екінші деңгейлі банктерден ипотекалық қарыздарын сатып алу арқылы «7-20-25» және «Баспана Хит» ипотекалық тұрғын үй бағдарламаларын іске асыру мақсатында шығарылады.